SE-ME-WE 5 အင်တာနက် ဆက်ကြောင်းသစ်၂၀၁၃ တွင် ချိတ်နိုင်မည်

မြန်မာနိုင်ငံအတွင်း အင်တာနက်ဝန်ဆောင်မှုကို ပိုမိုအဆင်ပြေစွာပေးနိုင်မည့် အင်တာနက်ဆက် ကြောင်းသစ် ဖြစ်သည့် SE-ME-WE 5 နှင့် ၂၀၁၃ ခုနှစ်တွင် ချိတ်ဆက်နိုင်မည်ဖြစ်ကြောင်း၊ မြန်မာ့ ဆက် သွယ်ရေးလုပ်ငန်း သတင်းအချက်အလက်ဆိုင်ရာ အင်ဂျင်နီယာချုပ်က the voice weekly သို့ပြောကြားသည်။

တရုတ်ပြည်သူ့ သမ္မတနိုင်ငံ China Unicon ကုမ္ပဏီက SE-ME-WE 5 ချိတ်ရန် ကူညီမည်ဖြစ်ပြီး မြန်မာ့ရင်းနှီးမြှပ်နှံမှုကောမရှင်၏ ခွင့်ပြုချက်ရ ရှိပြီးဖြစ်ကြောင်း အင်ဂျင်နီယာချုပ်ဦးဇော်မင်းဦးကဆိုသည်။

နောင်တွင် နိုင်ငံတကာနှင့်ချိတ်ဆက်ထားသည့် အင်တာနက်ဆက်ကြောင်းတစ်ခုပြတ်တောက်လျှင် အခြားတစ်ခု အလွယ်တကူပြောင်းချိတ်ပေးနိုင်ရန် ယင်းကဲ့သို့စီစဉ်ခြင်းဖြစ်ကြောင်း ၄င်းကဆိုသည်။

“အင်တာနက်လိုင်းကတော့ ၀န်ဆောင်မှုပေးနေတဲ့ ကျွန်တော်တို့တောင်အားမရပါဘူး ”ဟု ယခုလက်ရှိ ၀န်ဆောင်မှုနှင့်ပတ်သက်၍ ဦးဇော်မင်းဦး က ပြောဆိုသည်။ မြန်မာနိုင်ငံအတွင်း အင်တာနက် နှေးရသည့်အဖြေကိုလည်း ထိုင်းနှင့်စင်ကာပူနိုင်ငံတို့က လာရောက်စစ်ဆေးသွားသည်။ အင်တာနက် နှေးရသည့်အကြောင်းအရင်းများတွင် ခေတ်မမှီတော့သည့် ကွန်ပြူတာများအသုံးပြုခြင်း၊ နိုင်ငံတကာ နှင့်ချိတ်ဆက်ထားသည့် အင်တာနက်ဆက်ကြောင်း မကြာခဏပြတ်တောက်ခြင်း၊ ပေးနိုင်သည့် စွမ်းအားထပ်မံ ချဲ့ရန်လိုအပ်ခြင်း စသည့်အကြောင်းအရင်းများရှိကြောင်း ၄င်းကဆိုသည် ။

၂၀၁၁ ခုနှစ်ဒီဇင်ဘာလအတွင်း ကျင်းပခဲ့သည့် အာဆီယံ ဆက်သွယ်ရေးနှင့် သတင်းအချက်လက်၊ နည်းပညာဆိုင်ရာဝန်ကြီးများအစည်းအဝေး ASEAN Telecommunications and IT Ministers Meeting (TELMIN)တွင် မြန်မာနိုင်ငံက ဥက္ကဌ နှင့်အိမ်ရှင်နိုင်ငံအဖြစ် ဆောင်ရွက်ခဲ့ရပြီး
ယင်း အစည်အဝေးပြီး နောက်ပိုင်းတွင် ယင်းနိုင်ငံများမှ အခမဲ့လာရောက်စစ်ဆေးပေးခြင်းဖြစ်သည်။

“နောင်မှာ SE-ME-WE 3 ပဲ ၊ အားကိုးလို့မရဘူး ။ 4ရော 5ရော ချိတ်မယ်၊ မြန်မာနိုင်ငံတွင် လတ်တလောအသုံးပြုနေသည့် နိုင်ငံတကာ အင်တာနက် ဆက်ကြောင်းမှာ ဖျာပုံမြို့နယ်မှတဆင့် ဆက်သွယ်သည့် SE-ME-WE 3 ရေအောက် ဖိုင်ဘာ ဆက်ကြောင်းဖြစ်ပြီး ၊ ယင်းဆက်ကြောင်းအသုံးပြုခွင့် ၁၃ နှစ် ရရှိထားရာတွင် ယခုနှစ်အထိ ၆နှစ်သာရှိသေးကြောင်း ၊ သုို့သော်မကြာခဏ ရေအောက်ဆက်ကြောင်းပြတ်တောက်သဖြင့် အဆင် မပြေကြောင်း၊ (TELMIN)အစည်းအဝေးဆိုင်ရာ သတင်း စာရှင်းလင်းပွဲတွင် မြန်မာဆက်သွယ်ရေးမှ တာဝန်ရှိသူက ပြောကြားခဲ့သည်။

@The Voice Weekly Journal

သင်္ခါရ

@ Facebook

ဓာတ်ပုံ

@ Ye Aung Thu's Facebook

Barcamp Yangon

ရန်ကုန်မြို့တော်၏ တတိယအကြိမ်မြောက် ဘားကမ့် Barcamp Yangon 2012 (Feb 11 & 12) အတွက် http://barcampyangon.org/ တွင် စာရင်းပေးသွင်းနိုင်ပြီ ဖြစ်သည်။

@ The Voice Weekly Journal

Live Together with Wetland

၂၇ ရက်နေ့နံနက်က တော်ဝင်နှင်းဆီတွင်ကျင်းပသော ကမ္ဘာ့ရေတိမ်ဒေသများနေ့အထိမ်းအမှတ် Live Together with Wetland ဓာတ်ပုံပြပွဲသို့ တက်ရောက်လာသော ဒေါ်အောင်ဆန်းစုကြည်ကို တွေ့ရစဉ်။

@7Day News Journal's Facebook 

ပူညံ ပူညံဖြစ်တယ်ဆိုတာ ဒီလိုဗျ

ကြားဖြတ်ရွေးကောက်ပွဲတွင် လစ်လပ်နေရာပြည့် ဝင်ရောက် ယှဉ်ပြိုင်ရန် အတွက် အမျိုးသားဒီမိုကရေစီအဖွဲ့ချုပ် NLD မှ ကိုယ်စားလှယ်လောင်းများ ရွေးချယ်ရာတွင် ယှဉ်ပြိုင်တင်ပြမှုများ ရှိခဲ့၍ ဘဝင်မကျ ဖြစ်ရသည်များ ရှိခဲ့ကြောင်း နာယက ဦးတင်ဦး က ပြောသည်။

မင်္ဂလာတောင်ညွန့်မြို့နယ် ပါတီဆိုင်းဘုတ်တင်ပွဲတွင် မိန့်ခွန်းပြောစဉ်က အဆိုပါကိစ္စများနှင့်ပတ်သက်၍ တခွန်းတစ ထည့်သွင်းပြောဆိုခဲ့ဖူးပြီး ထိုကိစ္စများကို ရွံမုန်းကြောင်း ပါတီဝင် စိစစ်ရွေးချယ်ရေးအဖွဲ့ခေါင်းဆောင်လည်းဖြစ်သည့် ဦးတင်ဦး က မဇ္ဈိမကို ပြောသည်။

“ပူညံပူညံ ဖြစ်တယ်ဆိုတာ ဒီလိုဗျ။ ကျနော်တို့ ဒုက္ခသုခ ရောက်စဉ်အခါတုန်းကတော့ တခါတည်း ငြိမ်ပြီးတော့ ဘာမှ မပါကြ၊ ကင်းကွာနေကြတယ်။ အခု နေရာလေး ပေါ်လာရော သူကလည်း ငါလုပ်တာ ဘယ်လောက်၊ ဘယ်တုန်းက ဘယ်သူနဲ့တွေ့ပြီး နှုတ်ဆက်ခဲ့တယ်၊ ကျနော် အရင်တုန်းက လူမှုရေးနဲ့ ပတ်သက်ပြီး ဘယ်လောက် လုပ်ခဲ့ဖူးတယ်၊ ကျနော်သာလျှင် အသင့်တော်ဆုံး ဖြစ်တယ်။ အဲဒီနေရာ အရွေးခံပါရစေ။ ဒီလိုဟာတွေက သိပ်လာတယ်ဗျ။ အဲဒါတွေ ကျနော်က ရွံတယ်” ဟု ပြောသည်။

NLD ၏ လွတ်တော်ကိုယ်စားလှယ်လောင်း ရွေးချယ်မှုတွင် အမျိုးသမီး၊ ဒေသခံ၊ ပညာတတ်နှင့် လုပ်ငန်း အတွေ့အကြုံ ရှိမှုပေါ်တွင် မူတည်၍ ရွေးချယ်သွားမည်ဟု ကြေညာထားရာ အချို့နယ်မြေများတွင် ယခုကဲ့သို့ အင်အားစု၍ ယှဉ်ပြိုင် တင်သွင်းမှုများ ဖြစ်ပေါ်လာခြင်း ဖြစ်သည်။

“အသိုင်းအဝိုင်းတွေနဲ့ လော်ဘီလုပ်ပြီး လက်မှတ်တွေဝိုင်းထိုးပြီး ရွေးပါခင်ဗျဆိုပြီး လာနေလို့ ပြောလိုက်တာပါ။ အချင်းချင်း မညီညွတ်လို့ မဟုတ်ပါဘူး။ သိပ်ပြီး ကိုယ်ရည်သွေးလာကြတာတွေ များလွန်းလို့ဗျာ။ ဘဝင်မကျလို့ နည်းနည်း ပြောလိုက်တဲ့သဘောပါ” ဟု ဦးတင်ဦး က ပြောသည်။

ပြည်နယ်/တိုင်းတို့မှ ရွေးချယ်တင်ပြသည့် ကိုယ်စားလှယ်လောင်းများကို ဗဟိုမှ စိစစ်ချမှတ်ပေးခြင်းဖြစ်ပြီး မကျေလည်မှု အတော်များများကို ဖြေရှင်းပေးနိုင်ပြီ ဖြစ်ကာ ဘဝင်မကျမှုရှိနေသေးသည့် အချို့နေရာများကို ပါတီဥက္ကဋ္ဌ ဒေါ်အောင်ဆန်းစုကြည် ကိုယ်တိုင် ကွင်းဆင်း စည်းရုံးပေးသွားမည်ဟုလည်း ဦးတင်ဦးက ပြောသည်။

@Thithtoolwin

လပိုင်းအတွင်း စာပေစိစစ် ဖျက်တော့မယ်တဲ့

မြန်မာနိုင်ငံမှာ လာမယ့် လပိုင်း အတွင်း စာပေစိစစ်ရေး လုံးဝ ရှိမှာ မဟုတ်တော့ဘူးလို့ စာပေစိစစ်ရေးအဖွဲ့ အကြီးအကဲ ဗိုလ်မှူးဟောင်း ဦးတင့်ဆွေက ဒီကနေ့ ပြောကြား လိုက်ပါတယ်။

ဒေါ်အောင်ဆန်းစုကြည်ပုံကို ဖော်ပြထားသည့် ပြည်တွင်းထုတ် ဂျာနယ်ကို ရန်ကုန်မြို့လယ်ရှိ ဈေးတစ်ခုတွင် ၂၀၁၁ ခုနှစ် ဒီဇင်ဘာလအတွင်း အရောင်းဈေးသည်တစ်ဦးက ရောင်းချနေစဉ်။

ပြန်ကြားရေး ၀န်ကြီးဌာနက ရေးဆွဲထားတဲ့ စာနယ်ဇင်း ဥပဒေမူကြမ်းကို ဇန်န၀ါရီ ၂၇ ရက် ခေါ်ယူမယ့် လွှတ်တော် အစည်းအဝေးမှာ တင်သွင်း ပြဋ္ဌာန်းပြီးခဲ့ အခါ စာနယ်ဇင်းတွေ အနေနဲ့ ဆင်ဆာအဖွဲ့ကို တင်ပြစရာ မလိုဘဲ ထုတ်ဝေခွင့် ရရှိမှာ ဖြစ်ကြောင်း စာပေစိစစ်ရေးဌာန အကြီးအကဲ ဦးတင့်ဆွေက အာအက်ဖ်အေနဲ့ သီးသန့် ဆက်သွယ် မေးမြန်းခန်းမှာ ပြောဆိုခဲ့ပါတယ်။ စာနယ်ဇင်း ဥပဒေကို ပြဋ္ဌာန်းပြီးတဲ့ အခါ မြန်မာနိုင်ငံမှာ ပုဂ္ဂလိက သတင်းစာ ထုတ်ဝေခွင့် အပါအ၀င် တခြား ဒီမိုကရေစီ နိုင်ငံတွေမှာလို စာနယ်ဇင်း လွတ်လပ်ခွင့် အပြည့်အ၀ ရရှိလာမှာ ဖြစ်တယ်လို့လည်း ဦးတင့်ဆွေက ပြောပါတယ်။

@RFA

ကျပ် ၅၀၀၀ တန် ဆင်း​မ်ကတ်အတွက် တရား​ဝင် ပူး​ပေါင်​ဆောင်ရွက်မည်

တယ်လီဖုန်း​ ဆင်း​မ်ကတ်တခုကို ကျပ် ၅,၀၀၀ နဲ့​ အများ​ပြည်သူ အသုံး​ပြုနိုင်ဖို့​ ​ရွှေပြည်တံခွန် ကုမ္ပဏီက မြန်မာ့​ဆက်သွယ်​ရေး​ စာတိ်ုက်၊​ ​ကြေး​နန်း​ ဝန်ကြီး​ဌာနနဲ့​ ပူး​ပေါင်း​ဖို့​ တရား​ဝင် ​လျှောက်လွှာတင်လိုက်ပြီလို့​ မန်း​နေဂျင်း​ ဒါရိုက်တာ ဦး​လွင်နိုင်ဦး​က ​ပြောပါတယ်။

 

 

“ဒီ ​နေ့​ပဲ ကျ​နော် ဆက်သွယ်​ရေး​ကို တင်လိုက်တယ်။ အခုထိ ဘာမှ မသိရ​သေး​ဘူး​။ တင်တယ်ဆိုတာ ကျ​နော်တို့​ ဒီလုပ်ငန်း​အတွက် ပူး​ပေါင်း​ဆောင်ရွက်ဖို့​ ကိစ္စ​တွေ၊​ စီး​ပွား​ရေး​ အစီအစဉ်​တွေ​ပေါ့​။ နည်း​ပညာပိုင်း​ ဆိုင်ရာ​တွေပါ နှစ်ခုလုံး​ပါတယ်။ ပြည်သူ​တွေ စရိတ် သက်သက်သာသာနဲ့​ တယ်လီဖုန်း​တွေ ကိုင်နိုင်​အောင် ကျ​နော် ကြိုး​စား​နေပါတယ်။ ဆက်သွယ်​ရေး​ ဝန်ကြီး​ဌာနလည်း​ ပူး​ပေါင်း​ ​ဆောင်ရွက်ပြီး​ ဘယ်လိုလုပ်လို့​ ရနိုင်မလဲ ဆိုတဲ့​ နည်း​လမ်း​တွေ​ပေါ့​။ ကျ​နော်တို့​က ဥပ​ဒေအရ၊​ မူ​ဘောင်အရ သွား​နေတာပါ။”

မြန်မာပြည်မှာ ဆက်သွယ်​ရေး​ နည်း​ပညာအတွက် ပြဋ္ဌာန်း​ထား​တဲ့​ ဥပ​ဒေ မရှိ​သေး​တဲ့​အတွက် အစိုး​ရမဟုတ်တဲ့​ ကုမ္ပဏီ အဖွဲ့​အစည်း​တွေ အတား​အဆီး​လည်း​ ဖြစ်​နေတယ်လို့​ ဦး​လွင်နိုင်ဦး​က ​ပြောပါတယ်။

“ကျ​နော်တို့​ ဆီမှာ ဆက်သွယ်​ရေး​နဲ့​ ပတ်သက်လို့​ ပြင်သင့်​တာ​တွေ ပြင်ဖို့​ နိုင်ငံ​တော်အကြီး​အကဲ​တွေ၊​ သက်ဆိုင်ရာ ဝန်ကြီး​ဌာန​တွေက ကျ​နော်တို့​ကို ​ပြောထား​တယ်။ ပြည်သူ​တွေအတွက် လိုအပ်လို့​ရှိရင် မြစ်ဆုံ ကိစ္စပဲကြည့်​၊​ ထား​ဝယ်​ကျောက်မီး​သွေး​ကိစ္စပဲ ကြည့်​ကြည့်​၊​ နိုင်ငံ​တော် သမ္မတကြီး​က မှန်ကန်တဲ့​ ဆုံး​ဖြတ်ချက်​တွေ ချခဲ့​တယ်။ အခု​လော​လောဆယ် အစိုး​ရရဲ့​ ဆက်သွယ်​ရေး​ ကွန်ရက်ကလည်း​ လုပ်နိုင်စွမ်း​ မရှိတာတို့​၊​ အင်တာနက်​တွေက ​နှေး​နေတာ၊​ ဆက်သွယ်​ရေး​ကို မြှင့်​တင်​အောင် လုပ်မှာဆို​တော့​ အဲဒီအပိုင်း​တွေကိုလည်း​ စဉ်း​စား​ထား​ပါတယ်။”

အစိုး​ရက ခွင့်​ပြုချက်ရရင် ၂၀၁၃ ခုမှာ အများ​ပြည်သူလက်ထဲ ထုတ်​ရောင်း​ နိုင်မယ်လို့​လည်း​ ​ပြောပါတယ်။

ဆင်း​မ်ကတ်တခုရဲ့​ မူလတန်ဖိုး​ဟာ မြန်မာကျပ်​ငွေ ၃၀၀ ပတ်ဝန်း​ကျင်သာ ရှိတယ်လို့​လည်း​ သိရပါတယ်။

မြန်မာဆက်သွယ် ​ရေး​၊​ စာတိ်ုက်နဲ့​ ​ကြေး​နန်း​ဝန်ကြီး​ဌာနနဲ့​ နီး​စပ်တဲ့​ ကုမ္ပဏီ​တွေက​တော့​ ဂျီအက်စ်အမ် ဟန်းဖုန်း​ ဆင်း​မ်ကတ် တကတ်ကို ကျပ် ​ငွေ ၃သိန်း​ နဲ့​ ၂၀၁၂ မှာ ​ရောင်း​ချမယ်လို့​လည်း​ သိရပါတယ်။

@DVB

ဘန်ကီမွန်း နေပြည်တော်သွားမည်

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက မြန်မာပြည်အတွင်း ပြုပြင်ပြောင်းလဲမှုတွေကို ချီးကျူးလိုက်ပြီး မကြာခင် မြန်မာပြည် ထပ်သွားဖို့ ပြင်နေတယ်လို့ ဆိုပါတယ်။

"နိုင်ငံရေးအကျဉ်းသားတွေကို လွှတ်ပေးတာမျိုး အပါအ၀င် သမ္မတဦးသိန်းစိန် ခေါင်းဆောင်တဲ့ လက်ရှိ မြန်မာအာဏာပိုင်တွေ ဆောင်ရွက်နေတာတွေကို အင်မတန် ကျေနပ်အားရမိပါတယ်" လို့ ဘန် ကီမွန်းက နယူးယောက်မှာ သတင်းထောက်များကို ပြောလိုက်ပါတယ်။

နေပြည်တော်နဲ့ တိုက်ရိုက် စကားပြောနေတယ်၊ ထပ်ပြီးဆွေးနွေးနိုင်ဖို့ သိပ်မကြာခင် အနာဂတ် မှာ မြန် မာပြည် ထပ်သွားဖို့လည်း ပြင်ဆင်နေပါတယ်လို့လည်း သူက ဆက်ပြော ပါ တယ်။

 

@IRRAWADDYBLOG

လေတပ်ဝတ်စုံနဲ့ ထိုင်းဝန်ကြီးချုပ်

ဒီကနေ့ ထိုင်းဝန်ကြီးချုပ်ရဲ့ လော့ဘူရီခရိုင် လေတပ်စခန်း ခရီးစဉ် မှတ်တမ်းဓာတ်ပုံတွေ ဖြစ်ပါတယ်။
သူ့ဖေ့စ်ဘုတ်က ယူပါတယ်။

စခန်းမှာ သတင်းထောက်တွေ ရှိပေမယ့် ၀န်ကြီးချုပ်က သတင်းစာရှင်းလင်းပွဲ မလုပ်ခဲ့ပါဘူး။

ဒေါ်အောင်ဆန်းစုကြည် နဲ့ ၀ါရှင်တန်ပို့စ် အင်တာဗျူး

ဒေါ်အောင်ဆန်းစုကြည် နဲ့ ၀ါရှင်တန်ပို့စ် အင်တာဗျူး

ဝါရှင်တန်ပို့စ် ရဲ့ အကြီးတန်းတွဲဖက်အယ်ဒီတာ လာလီဝီးမောက် ဟာ ၂၀၁၂ ဇန်န၀ါရီ ၁၈ မှာ ဒေါ်အောင်ဆန်း စုကြည်ရဲ့ နေအိမ်မှာ ဒေါ်အောင်ဆန်းစုကြည် ကိုတွေ့ဆုံမေးမြန်းခဲ့ပါတယ်။ ၀ါရှင်တန်ပို့စ် ရဲ့ ကောက်နှုတ်ဖော်ပြချက်တွေ ကို ဘာသာပြန်ဆို ဖော်ပြပါ့မယ်။
ကိုမိုးထက်

ဝါရှင်တန်ပို့စ်။ ။ အမေရိကန်က လူတွေက သမ္မတဦးသိန်းစိန် လုပ်နေတဲ့ ပြုပြင်ပြောင်းလဲရေး လုပ်ငန်းစဉ် ဟာ တကယ် စစ်မှန်ရဲ့လား လို့မေးနေကြတယ်။ အစ်မ အနေနဲ့ရော တကယ် အစစ် အမှန်လို့ ထင်ပါသလား။ ပြီးတော့ သမ္မတ နဲ့ အစ်မ တွေ့ဆုံခဲ့တာကရော ဘယ်လို အခြေအနေ ရှိခဲ့ပါသလဲ။

ဒေါ်အောင်ဆန်းစုကြည်။ ။ သမ္မတနဲ့ တွေ့ဆုံခဲ့တာ အဆင်ပြေပါတယ်။ သူဟာ ပြုပြင်ပြောင်းလဲရေးကို အမှန်တကယ် လိုလား တယ်လို့ ကျမ ယုံပါတယ်။ ဒါပေမယ့် အစိုးရအဖွဲ့ထဲမှာ သူတစ်ယောက်တည်းမှ မဟုတ်တာ။ ကျမတို့ရဲ့ လက်ရှိ ဖွဲ့စည်းပုံဥပဒေ က စစ်တပ်ကို အာဏာ သိပ်ပေးလွန်းအားကြီးပါတယ်။ သမ္မတက နိုင်ငံ့ ဦးသျှောင် ဖြစ်ပေမယ့်လို့ သူ့မှာ အမြင့်ဆုံး အာဏာရှိတယ်လို့ သေချာပေါက်ပြောလို့ မရပါဘူး။ စစ်ဦးစီးချုပ်က လိုအပ် တယ်လို့ သူ ယူဆတဲ့အချိန်တိုင်းမှာ အစိုးရရဲ့အာဏာ အလုံးစုံကို လွှဲပြောင်းရယူနိုင်ပါတယ်။ ဒါဟာ ကျမတို့ သမ္မတ ရင်ဆိုင်နေရတဲ့ အနေအထားပါ။ ရှင်တို့ ဒီနေရာမှာ ဆိုရင်လည်း အင်မတန် ခက်ခဲမှာပါပဲ။ သူ့မှာ စစ်တပ်ထဲမှာ ဘယ်လောက် ထောက်ခံမှုရှိသလဲ ဆိုတာတော့ ကျမ မသိပါဘူး။ သူကိုယ်နှိုက်ကလည်း စစ်သား တစ်ဦးပဲလေ။ ဒါကြောင့် စစ်တပ် အသိုင်းအ၀ိုင်းမှာ သူ့ကိုတော်တော်လေး ထောက်ခံ အားပေးကြမှာပဲလို့ ကျမ ယူဆပါတယ်။ ဒါပေမယ့် ဒါက ယူဆချက် သက်သက်နော်။

ကျမအထင်တော့ သမ္မတဟာ အပြောင်းအလဲ လုပ်ဖို့ တကယ့်ကို လိုလားသူပါ။ အစိုးရအဖွဲ့ထဲမှာ သူ့ကို ထောက်ခံသူတွေရှိတယ်လို့ ကျမ ထင်ပါတယ်။ အားလုံးထောက်ခံသလား ဆိုတာတော့ ကျမလည်း မဖြေနိုင်ပါဘူး။

ဝါ။ ။ အခုပြောင်းလဲရေးလုပ်ငန်းစဉ်ဟာ နောက်ကြောင်းပြန်လှည့်သွားနိုင်တယ်လို့ အစ်မ စိုးရိမ် မိပါသလား။

စု။ ။ ကျမ အစိုးရိမ် မလွန်ပါဘူး။ ဒါပေမယ့် နောက်ကြောင်းပြန်လှည့်သွားနိုင်ခြေ တစ်ခုရှိတယ်လို့ ကျမ သတိထားပါတယ်။ ဒီဖြစ်နိုင်ချေကို မှိန်ဖျော့သွားရအောင် ကျမတို့ တော်တော်ကြိုးစားပမ်းစား လုပ်ရမယ် လို့ ကျမ ထင်ပါတယ်။ အခုဒီလုပ်ငန်းစဉ်ကို အမေရိကန်က အားပေး လုပ်ဆောင်နေတာကို ကျမ တကယ့်ကို လေးစား ချီးကျူးမိပါတယ်။ မြန်မာနိုင်ငံအတွင်းက ကျမတို့တွေလည်း ဒီလုပ်ငန်းကြီးရဲ့ အဓိက အခန်းကဏ္ဍက ပါဝင်မှဖြစ်မယ်လို့ ကျမ ထင်ပါတယ်။

ဝါ။ ။ အမေရိကန်အနေနဲ့ ပိတ်ဆို့အရေးယူမှု ဆန်ရှင်ကို ရုတ်သိမ်းပြီး ထိတွေ့ ဆက်ဆံ သင့်ပါ သလား။

စု။ ။ သူတို့ က ဒီလိုလုပ်ဖို့ အချိန်ကျပြီလို့ ထင်ရင် လုပ်ကြပါ။ အမေရိကန် ဟာ သူတို့ရဲ့ ဆန်ရှင် ပြန်ရုတ်သိမ်းဖို့ အတွက် ဘယ်လို သတ်မှတ်ချက်တွေ ရှိတယ် ဆိုတာကို ရှင်းရှင်း လင်းလင်း ချပြထားပြီးသားပါ။ တကယ်လို့ အစိုးရက ဆန်ရှင်တွေကို ပြန်ရုတ်သိမ်းစေလိုတယ် ဆိုရင် အဲဒီ ကြိုတင် သတ်မှတ်ချက်တွေကို ကြိုးစား ဖြည့်ဆည်း ကြရပါလိမ့်မယ်။

ဝါ။ ။ အဲဒီသတ်မှတ်ချက်ထဲမှာ နိုင်ငံရေးအကျဉ်းသား ပြန်လွှတ်ပေးတာ ပါတယ်လေ။ အခု မကြာခင်ကပဲ သမ္မတက တော်တော်များများ လွှတ်ပေးခဲ့တာပဲ။

စု။ ။ ဟုတ်ပါတယ်။ ဒါပေမယ့် အကုန်လုံးတော့ မလွတ်သေးပါဘူး။ အဓိကကျတဲ့ နိုင်ငံရေး အကျဉ်းသားတွေ တော့ ပြန်လွတ်လာပါပြီ။

ဝါ။ ။ အစ်မအနေနဲ့ အစိုးရနဲ့ တိုင်းရင်းသားတွေ အကြားမှာ ငြိမ်းချမ်းရေး နဲ့ ပြန် လည် သင့်မြတ်ရေး ဆောင်ကြဉ်း ပေး ဖို့ ပါဝင်ဆောင်ရွက်ပေးနိုင်ပါသလား။

စု။ ။ နှစ်ဘက်စလုံးက လိုလားတယ် ဆိုမှသာ ကျမ ကဏ္ဍတစ်ရပ်က ပါဝင်ဆောင်ရွက်ပေးနိုင်တာပါ။ တစ်ဘက် ကပဲ ကျမကို ပါဝင်ပါလို့ ပြောနေတော့ ကျမ လုပ်လို့ မရနိုင်ပါဘူး။ တိုင်းရင်းသားတွေက ကျမကို ပါဝင်စေ ချင်တယ်လို့ ပြောကြပါတယ်။

ဝါ။ ။ အစ်မကို ၀န်ကြီးရာထူးပေးဖို့ စဉ်းစားထားပါသလားလို့ သမ္မတကြီးကို ကျမမေးခဲ့ပါတယ်။ သူက လွှတ်တော်ရဲ့ သဘောအတိုင်းပါပဲလို့ ပြောပါတယ်။

စု။ ။ သိပ်မှန်တာပေါ့။ ကျမတို့ အခုယှဉ်ပြိုင်မယ့် နေရာအားလုံးကို နိုင်ခဲ့မယ် ဆိုရင်တောင် အမတ်နေရာ ၆၀၀ ထဲက ၄၈ နေရာ ပဲ ရမှာပါ။ ကျမတို့ လွှတ်တော်ထဲ ရောက်ချင်တယ်ဆိုတဲ့ ရည်ရွယ်ချက်က လွှတ်တော်ထဲမှာ အလုပ်တွေ အားလုံး လုပ်ရမယ်လို့ မျှော်လင့်ထားတာကြောင့် မဟုတ်ပါဘူး။ လွှတ်တော် ထဲမှာ ကျမတို့ရဲ့ လှုပ်ရှားမှုတွေကို တိုးချဲ့သွားချင်တာပါ။

ဝါ။ ။ အမေရိကန်ရဲ့ တောင်းဆိုချက်တွေဆီ ပြန်သွားကြရအောင်။ တခြား ဖြည့်ဆည်းရမယ့် သတ်မှတ်ချက် တွေက ဘာတွေများလဲ။

စု။ ။ တိုင်းရင်းသားတွေရဲ့ နယ်မြေအားလုံးမှာ ရန်လို တိုက်ခိုက်မှုတွေ အားလုံး အဆုံးသတ်ရပါမယ်။ အခု ကေအင်န်ယူနဲ့ အပစ်အခတ် ရပ်စဲပြီးပါပြီ။ ဒါပေမယ့် ကေအိုင်အေ နဲ့ မရပ်စဲရသေးပါဘူး။ ဒါဟာ ကျမတို့ နိုင်ငံအတွက် ကြီးမားတဲ့ ပြဿနာတစ်ခုဖြစ်ပါတယ်။

ဝါ။ ။ အမေရိကန် ထိပ်တန်းအရာရှိကြီးတွေက ဒီဆန်ရှင်တွေ ပြန်ရုတ်သိမ်းရေးနဲ့ ပတ်သက်ရင် ညွှန်ပြပေးဖို့ အစ်မကို မျှော်နေကြပါတယ်။

စု။ ။ ဒီအခြေအနေ နဲ့ ပတ်သက်ပြီး ရိုးသားတဲ့ အကဲဖြတ်ချက်တစ်ခုပေးမယ့် သူ တစ်ယောက်ယောက်ကို သူတို့ အလိုရှိတာပါ။ ကချင်ပြည်နယ်က အခြေအနေက တကယ့် ပြသနာကြီးတစ်ခုပါ။ ကျမတို့အနေနဲ့ အစစ်အမှန် ငြိမ်းချမ်းရေး တစ်ခုရဖို့ဆိုရင် ဒီလိုပြသနာတွေကို စစ်ရေးနည်းနဲ့ မဟုတ်ဘဲ၊ နိုင်ငံရေးနည်းနဲ့ ဖြေရှင်းရပါလိမ့်မယ်။

ဝါ။ ။ အစိုးရက တိုင်းရင်းသားနယ်မြေတွေမှာ ကြမ်းကြမ်းတမ်းတမ်း ကိုင်တွယ်ခဲ့တယ်လို့ သတင်းတွေ ထွက်ခဲ့ပါတယ်။

စု။ ။ ဟုတ်ပါတယ်။ လူ့အခွင့်အရေးချိုးဖောက်မှုတွေ ရှိခဲ့ပါတယ်။ ဒါကြောင့် အဲဒီနေရာတွေမှာ တကယ်တမ်း ဘာတွေဖြစ်ပျက်နေသလဲ ဆိုတာကို ဖော်ထုတ်ဖို့ အဲဒီနေရာတွေဆီ ကြားခံအဖွဲ့ ၀င်ခွင့်ရဖို့ လိုအပ်နေတာပါ။

ဝါ။ ။ အထက် လွှတ်တော်အမတ် ရစ်ချတ်လူဂါ က ပြောပါ တယ်။ မြန်မာ နိုင်ငံ ဟာ မြောက် ကိုရီး ယားနိုင်ငံ အကူ အညီနဲ့ နျူကလီးယားလက်နက် ထုတ်လုပ်နေပြီတဲ့။

စု။ ။ ဒါကိုတော့ ကျမ မသိပါဘူး။ သေချာတာကတော့ သူတို့ မြောက်ကိုရီးယားနဲ့ သံတမန် ဆက် ဆံရေး ပြန်လည် ထူထောင်ထားပါတယ်။ ဒါကိုတော့ ငြင်းလို့မရပါဘူး။

ဝါ။ ။ အစိုးရ ဟာ ဗေဒင်ဆရာတစ်ယောက်က အကြံပေးလို့ နေပြည်တော်ကို မြို့တော်အသစ် အဖြစ် ရွေးချယ်ခဲ့တယ်ဆိုတာ အမှန်ပဲလား။

စု။ ။ ကျမ နားလည်တာကတော့ အရင်အစိုးရကို နက္ခတ်ဗေဒင်ဆရာတွေ လမ်းညွှန်ခဲ့တယ် ဆိုတာပါပဲ။

ဝါ။ ။ ဦးသိန်းစိန် ဟာ ဂေါ်ဘာချော့ဗ် လို ပုဂ္ဂိုလ်မျိုးလို့ ထင်ပါသလား။

စု။ ။ မထင်ပါဘူး။ ဘာကြောင့်လဲဆိုတော့ ဂေါ်ဘာချော့ဗ် ဟာ ရာထူး အဆင့်ဆင့်ဖြတ်သန်းပြီး တဖြည်းဖြည်း ချင်း အာဏာရလာခဲ့သူပါ။ ပြီးတော့ သူဟာ အပြောင်းအလဲတွေ ဆီ ဦးမလှည့်ခင်မှာ အာဏာကို တော်တော်လေး အခိုင်အမာ စွဲကိုင်ခဲ့သူပါ။ ဦးသိန်းစိန်ကတော့ တော်တော်လေး မတူတဲ့ အနေအထား ဖြစ်ပါတယ်။ သူ့ကို နိုင်ငံ့ ခေါင်းဆောင်ဖြစ်လာမယ်လို့ မျှော်လင့်ထားတဲ့သူ အတော့်ကို နည်းလိမ့်မယ်လို့ ထင်ပါတယ်။ သူဟာ ဗိုလ်ချုပ်မှူးကြီး သန်းရွှေ လက်ထက်မှာ အမြင့်ဆုံးရာထူးရခဲ့သူ မဟုတ်ပါဘူး။

ဝါ။ ။ စစ်တပ်က သမ္မတကို ဖြုတ်ချနိုင်တယ်ဆိုတဲ့ အချက်ကို အစ်မ ရည်ညွှန်းခဲ့တယ်နော်။ ဒီတော့ သမ္မတနဲ့ စစ်တပ် ဆက်ဆံရေးက ဘယ်လိုလဲ။

စု။ ။ သမ္မတ ဟာ ကျမသိသလောက်တော့ စစ်တပ်မှာ လူလေးစားခံရသူပါ။ သူဟာ အရင်အစိုးရ လက်ထက် က အဂတိကင်းရှင်း ပြီး သန့်ရှင်းတယ် လို့ ယူဆခံရတဲ့ အစိုးရအဖွဲ့ဝင် လူနည်းစုထဲက တစ်ဦးဖြစ်ပါတယ်။ သူတင် မကပါဘူး။ သူ့မိသားစုကလည်း အင်မတန်ကောင်းပါတယ်။ ဒါ ထူးခြားပါတယ်။

(ဒုတိယပိုင်းဆက်တင်ပါမည်။)

မြန်မာတွေနဲ့ လက်ဖက်ရည်ဆိုင်

ကျနော် ၈ တန်း၊ ၉ တန်း၊ ၁၀ တန်း ထိ တောက်လျှောက် ကြုံတွေ့လာတဲ့ အပိုင်းပေါ်မူတည်ပြီး ဒီ POST လေး ကို ရေးဖြစ်ပါတယ် .. ကျနော် ကျောင်းတက်နေတုန်းအရွယ်ပေါ့ .. ၈ တန်း၊ ၉ တန်း၊ ၁၀ တန်း အရွယ် .. အဓိက ၁၀ တန်း အရွယ်ပေါ့ဗျာ .. အဲဒီ အရွယ် ကစပြီး လက်ဖက်ရည်ဆိုင် ထိုင်တတ်လာခဲ့တယ်ပေါ့ .. ၁၀ တန်းလည်း အောင်ပြီးရော .. အလုပ်က မရှိ ... ကျောင်း ဆက် တက်ဖို့က စောင့်နေတဲ့ အချိန်ဆိုတော့ ... လက် ဖက်ရည်ဆိုင်နဲ့ ကျနော်တို့ ဆယ်တန်း(သို့) တက္ကသိုလ်ဝင်တန်းပေါ့ဗျာ ... တွေအတွက် လက်ဖက်ရည်ဆိုင် ထိုင် တာ ကတော့ တော်တော် လေးကို အလေ့အထ ဖြစ်နေပါပြီ .. 

မနက် မိုးလင်း ၈ နာရီ၊ ၉ နာရီဆိုတာ ကျနော်တို့ အတွက် ပုံမှန် အိပ်ရာ ထချိန်ပါပဲ .. အလုပ်မရှိ အကိုင်မရှိ မိဘ လုပ်စာ ထိုင်စားနေတဲ့ အချိန်တိုကာလ လေး အတွင်းမှာ ကျနော်တို့အတွက် လူငယ် သဘာဝ လွတ် လပ်မှု အချိန်တိုလေးကို ရရှိခဲ့ပါတယ် ..  ၂၀၀၁ - ၂၀၀၂ ပေါ့ဗျာ .. အဲဒီ အချိန်မှာ လက်ဖက်ရည်ဆိုင်ထိုင် တဲ့ အလေ့အထကို ရ ရှိခဲ့တယ်ဆိုပါတော့ဗျာ ... အဲဒီအချိန်တုန်းကတော့ လူငယ်ပေါ့ဗျာ .. အခုလည်း လူ ငယ်ပါပဲ .. လူငယ်ဆိုပေမဲ့ .. လူငယ်လေးပေါ့ဗျာ ...

ဆိုလိုချင်တာဝေးသွားပြီ ...

ကျနော် လက်ဖက်ရည်ဆိုင်ထိုင်တက်စ အချိန် .. အရွယ်ပေါ့ .. ၁၉၊ ၂၀ နှစ် ပတ်ဝန်းကျင် လက်ဖက်ရည် ဆိုင် မှာ ကျနော်တို့ အရွယ်တွေက တနေကုန် ထိုင် ပေါက်ပန်းလေးဆယ် ပြောကြတယ်ဗျ .. ၄၀၊ ၅၀ ပတ်ဝန်းကျင်၊ ၆၀ ကျော် အရွယ်တွေက တော့ နိုင်ငံရေး၊ နိုင်ငံတကာရေးရာတွေ ပြောကြတာကို တွေ့မိ သတိထားမိတယ်ဗျာ ...

ဆိုလိုချင်တာ နီးလာပြီ ...

ကျနော် အခု အလုပ်လည်း လုပ်နေပြီ .. အသက်လဲ ၃၀ နီးပြီ .. ဘာ သတိထားမိလာလည်းဆိုတော့ လက်ရှိ ကျနော်တို့ ဆီမှာ .. ကျနော်တို့ ဆယ်တန်းပြီးကာစ အရွယ်ပေါ့ဗျာ .. လက်ဖက်ရည်ဆိုင်ထိုင်တဲ့ ဓလေ့ နည်း လာတယ် .. ဘာကြောင့်လဲ ဆိုတော့ လက်ဖက်ရည်ဆိုင် အရေအတွက်က လွန်ခဲ့တဲ့ ၁၀ နှစ်လောက်က ထက် ၁၀ ဆ နည်းသွားတယ်လို့ထင်တယ် ... 

ကဲ .. အဲတော့ .. ဘာ ၁၀ ဆ တိုးလာလဲ .. ဘီယာဆိုင် .. အရက်ဆိုင်ပေါ့ဗျာ .. ၁၉ ၂၀ အရွယ် လူငယ်လေးတွေ လက်ဖက်ရည်ဆိုင်ထိုင်တက်တာထက် ဘီယာဆိုင် ထိုင်တက်တာ ပိုများလာတယ် .. အရင့် အရင် လက်ဖက်ရည်လေး ငုံလိုက် နိုင်ငံရေးအကြောင်း ပြောလိုက် လုပ်နေတဲ့ အသက်ကြီး ပုဂ္ဂိုလ်တွေ အခုတော့ ဘီယာခွက်လေးတွေ ကိုင်ပြီး ပြောနေဆိုနေကျတာကို မြင်နေတွေ့နေရတော့ .........

တင်ချင်ကာမှ ခွေးကျကျ

စာအုပ်ဆိုင်ကြီး တစ်ဆိုင်၏ မန်နေဂျာ တစ်ယောက်သည် သူ့ဆိုင်သို့ နာမည်ကြီး စာရေးဆရာ တစ်ယောက် လာရောက်လည်ပတ်မည့် သတင်းကို ရထားသည်။ ထို့ကြောင့်လာလည်မည့် စာရေးဆရာ သူ့ကိုယ်သူ အထင် ကြီးသွားစေလိုသောကြောင့် အခြား စာရေးဆရာများ ၏ စာအုပ်များ အကုန်သိမ်းထားပြီး ထိုစာရေးဆရာ ၏ စာအုပ်များကိုသာ သေသေသပ်သပ် ခင်းကျင်းပြသထားလိုက်၏ ...

နာမည်ကြီးစာရေးဆရာရောက်လာသော အခါ ဆိုင်ထဲတွင် အခြားစာရေးဆရာများ၏ စာအုပ်များကို မတွေ့ရ ဘဲ သူ့စာအုပ်တွေသာ တွေ့သဖြင့် ကျေနပ်ပြုံးပြုံးပြီး မန်နေဂျာကိုမေးသည်။

" အံသြစရာပဲ၊ တခြားစာရေးဆရာတွေရဲ့ စာအုပ်တွေကော တစ်အုပ်မှ မမြင်မိပါလားဗျ "

သည်တော့ မန်နေဂျာ က သူပိုဝမ်းသာသွားစေချင်သည့် စေတနာဖြင့် မစဉ်းမစား ပြန်ပြောလိုက်သည်က

" ဟုတ်ကဲ့၊ အားလုံးရောင်းလိုက်ရပြီ။ အားလုံးဝယ်သွားကြပြီဗျ "

ကန်ဒေါ်လာ ၁သန်းတန် Bugatti Sport Type ပြိုင်ကား တင်သွင်းရန်လျှောက်ထား

@ TRUE NEWS

အီတလီနိုင်ငံထုတ် ကမ္ဘာကျော် နှစ်ယောက်စီး Sport Type ပြိုင်ကားတစ်မျိုး ကို တင်သွင်းရန်အတွက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန သို့ ကားတင်သွင်းခွင့်ပြုရန် အတွက် လျှောက်ထားကြောင်း နေပြည်တော် အခြေစိုက် ပို့ကုန်သွင်းကုန် လုပ်ငန်းရှင်တစ်ဦးက ပြောကြားခဲ့သည်။

အဆိုပါ ၂၀၁၀ ထုတ် Bugatti Sport Type ကားကို အမေရိကန်ဒေါ်လာ ၁၀ သိန်း(၁သန်း) နှင့် အဆိုပြု လျှောက်ထားခြင်း ဖြစ်သည်ဟု ဆိုသည်။ ငှင်းကားတင်သွင်းခွင့်ကို မြန်မာနိုင်ငံ၏ ထိပ်တန်း လုပ်ငန်းရှင်ကြီး တစ်ဦး ဖြစ်သည့် ဦးတေဇ ပိုင် ကုမ္မဏီတစ်ခုမှ အဆိုပြုလျှောက်ထားခြင်းဖြစ်သည် ဟု သိရသည်။

အဆိုပါ ကားအမျိုးအစား ၏ နောက်ဆုံးထုတ် Model တစ်စီးလျှင် ကန်ဒေါ်လာ နှစ်သန်းကျော်ခန့် တန်ကြေး ရှိပြီး Bugatti ကားများကို သူဌေး သူကြွယ်များနှင့် ကမ္ဘာကျော် ပုဂ္ဂိုလ်များ ၀ယ်ယူစီးနင်းသော ကားအမျိုးအစားဖြစ်ကြောင်းသိရှိရသည်။

မောင်နှမ သုံးယောက်

@ IRRAWADDYBLOG

ငယ်စဉ်က အောင်ဆန်းဦး၊ အောင်ဆန်းလင်း၊ အောင်ဆန်းစုကြည်

အောင်ဆန်းလင်းသည် အသက် ၈ နှစ်အရွယ်တွင် ကွယ်လွန်ခဲ့သည်။

ဦးအောင်ဆန်းဦးသည် အမေရိကန်ပြည်ထောင်စုတွင် နေထိုင်လျက်ရှိသည်။

"ပရမ်းပတာနဲ့ စည်းဓားလွတ် ရိုက်ချင်လို့ဆင်ဆာလွတ်လပ်ခွင့် တောင်းတာမဟုတ်ကြောင်း ဒါ...ရိုက်တာ ကျော်ဇောလင်းပြော"

‎

ဒါရိုက်တာ ကျော်ဇော်လင်း(အတွေးပုံ ရိပ်)က 'မှတ်တောင်ထားရဦးမယ်' ဆိုတဲ့ ဇာတ်ကားကို ရိုက်ကူးနေပါတယ်။ လူငယ် သဘာဝပေါ့ပေါ့ပါးပါးနေပေမယ့် အပျော် လွန်ပြီး ပျက်သွားတာတွေရှိတတ်တာကို သတိပေးတဲ့သဘောမျိုးအနေနဲ့ ရိုက်ထားတာ လို့ ပြောပါ တယ်။ လူငယ်တွေအနေနဲ့ ကိစ္စ တစ်ခုကို အလေးအနက်ထား မဖြေရှင်းဘဲ ပေါ့ ပေါ့ တန်တန် လုပ်ရင် ဆိုးကျိုးတွေရလာနိုင် တယ်ဆိုတဲ့ Message ပေးချင် တဲ့ အ တွက် ဟာသနဲ့ တွဲပြီး ရိုက်ကူးထားတာလို့ ပြောပါ တယ်။ ဒါရိုက်တာ ကျော်ဇော်လင်းက အရင် ကရိုက်ခွင့် မရတဲ့ တင်ပြပုံ၊ပလော့တွေကို ရှာ ပြီး ရိုက်ကြည့်ရတော့မယ်လို့ ဆိုတာကြောင့်

''ကျွန်တော်တို့ အားလုံးလိုလားနေတာ က ကိုယ်ဖန်တီးတဲ့အနုပညာအလုပ်တွေကို လွတ်လွတ်လပ်လပ်ပေါ့၊ လွတ်လွတ်လပ်လပ် ဆိုတာ ပရမ်းပတာမဟုတ်ဘဲ စည်းကမ်းတ ကျနဲ့ လွတ်လပ်မှုမျိုးပေါ့။ တောင်းဆိုထား တာကို တာဝန်ရှိတဲ့သူတွေကလည်း လိုက် လျောသင့်သလောက် လိုက်လျောပေးထား တယ်လို့ သိရတယ်။ အဲဒီအတွက် ရှေ့မှာ မရိုက်ဖြစ်ခဲ့တဲ့ တင်ပြပုံလေးတွေကို ရိုက်ကြည့် ရတော့မှာပေါ့။ အဲဒီလိုရိုက်ဖို့လည်း ပြင်ဆင် နေပါပြီ။ ဆင်ဆာနဲ့ပတ်သက်ပြီး ကျွန်တော့် တို့ဘက် က တောင်းဆိုတယ်ဆိုတာ နိုင်ငံရေး နဲ့ပတ်သက်ပြီး အနှောင့်အသွားမလွတ်တဲ့ ဇာတ်လမ်း၊ဇာတ်ကွက်မျိုးရိုက်ချင်လို့လည်း မဟုတ်ဘူး။ ပရမ်းပတာနဲ့စည်းလွတ်ဝါးလွတ် လုပ်ချင်လို့လည်း မဟုတ်ဘူး။ ဒီအတိုင်းခွင့် ပြုထားတဲ့အထဲကပဲ ရိုက်လာတာများလာ တော့ တဖြည်းဖြည်းနဲ့အနုပညာတန်ဖိုး နည်း နည်းလျော့လာတယ်။ ပရိသတ်ကို စွဲဆောင် နိုင် အားတွေလျော့လာတယ်။ မြန်မာကားတွေ အထင်သေးခံရတာ၊ ပြောဆို ခံရတာတွေ ဖြစ် လာတယ်။ ခွင့်ပြုထားတဲ့ အထဲမှာ ဝိုင်းပြုံ ပြီး လုပ်နေတော့ အကုန်လုံးထပ်လာတာပေါ့။ အခု နိုင်ငံအပြောင်းအလဲနဲ့ လွတ်လပ်ခွင့်တွေ ရသင့်သလောက် ရနေတဲ့အချိန်မှာ ကျွန် တော်တို့ဖန်တီးတဲ့ အနုပညာဇာတ်ကားတွေ ကို တစ်စိုက်မတ်မတ်အားပေးနေတဲ့ ပရိသတ် တွေအတွက် အမြင်အပြောင်းအလဲလေးတွေ ဖြစ်လာအောင် ဇာတ်ကားတွေကို အရင်က ထက်ပိုပြီး အာရုံစိုက်လာအောင်လုပ်ခွင့်ရချင် လို့ တောင်းတာပါ''လို့ ပြောပြ ခဲ့ပါတယ်။

 

@Popular News

မြန်မာလွှတ်တော်ကိုယ်စားလှယ်များကို အမေရိကန်လွှတ်တော်သို့ လာရောက်လေ့လာရန် ဂျွန်မက်ကိန်းဖိတ်ကြား

အမေရိကန်အထက်လွှတ်တော်အမတ် ဂျွန်မက်ကိန်းက ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် ယနေ့တွေ့ဆုံဆွေးနွေးစဉ် လွှတ်တော် နှစ်ရပ် ပူးပေါင်းဆောင်ရွက်ရေး အစီအစဉ်အရ မြန်မာ လွှတ်တော် ကိုယ်စားလှယ်များကို အမေရိကန်လွှတ်တော်သို့ လာရောက်လေ့လာရန် ဖိတ်ကြားခဲ့ကြောင်း သတင်း ရရှိသည်။

ဇန်န၀ါရီ ၂၂ ရက်(ယနေ့)နံနက် ၁၁း၁၅ နာရီမှ ၁၁း၅၅ နာရီအထိ မိနစ် ၄၀ ကြာ ဂျွန်မက်ကိန်းနှင့် သူရဦးရွှေမန်းတို့ ပြည်သူ့လွှတ်တော် အဆောက်အအုံမှ ဇမ္ဗူသီရိခန်းမတွင် တွေ့ဆုံဆွေးနွေးခဲ့သည်။ ထိုသို့တွေ့ဆုံဆွေးနွေးရာတွင် လွှတ်တော်နှစ်ရပ် အတွေ့အကြုံ ဖလှယ်ရေးနှင့် ပူးပေါင်းဆောင်ရွက်မှု အစီအစဉ်အရ မြန်မာလွှတ်တော်ကိုယ်စားလှယ်များ (အမတ်များ)ကို အမေရိကန်လွှတ်တော်သို့ လာရောက်လေ့လာရန် မက်ကိန်းက ဖိတ်ကြားခဲ့သည်ဟု တွေ့ဆုံဆွေးနွေးမှုအပြီး သတင်းထောက်များ၏ မေးမြန်းမှုကို သူရဦးရွှေမန်းက ပြန်လည်ဖြေကြားစဉ် ပြောကြားသွားသည်။ ထိုတွေ့ဆုံဆွေးနွေးပွဲ၌ စီးပွားရေးပိတ်ဆို့အရေးယူမှုနှင့်ပတ်သက်၍ မက်ကိန်းက ပြောကြားရာတွင် မြန်မာနိုင်ငံ၏ နိုင်ငံရေးပြုပြင်ပြောင်းလဲမှုအခြေအနေပေါ် လိုက်လျောညီထွေစွာ တစ်ဆင့်ချင်း ရုပ်သိမ်းပေးသွားရန် ဆောင်ရွက်သွားမည်ဟု ပြောကြားခဲ့ကြောင်း သူရဦးရွှေမန်းက ပြန်လည်ဖြေကြားသည်။

ရှစ်လအတွင်း ဒုတိယအကြိမ် မြန်မာနိုင်ငံသို့ လာရောက်သော ဂျွန်မက်ကိန်းနှင့် အမေရိကန် အထက်လွှတ်တော်အမတ်များမှာ ယနေ့ညနေ ၄ နာရီတွင် ရန်ကုန်မြို့ရှိ ဒေါ်အောင်ဆန်းစုကြည်နေအိမ်၌ ဒေါ်အောင်ဆန်းစုကြည်နှင့် တွေ့ဆုံဆွေးနွေးကြမည်ဖြစ်သည်။

"ရင်ထဲဗလာနဲ့ရှုတင်လာတဲ့ လူတွေနဲ့ အလုပ်မလုပ်ချင် ဘူးလို့ပြောလာတဲ့ ဒါရိုက်တာဝိုင်...း"

'နင်စေရင်'ရုပ်ရှင်ဇာတ်ကားကြီးကို အပြီးသတ်ရိုက်ကူးပြီးစီးသွားပြီဖြစ်တဲ့ ဒါရိုက် တာဝိုင်းကို ဒီရုပ်ရှင်ကားကြီးကို တည်းဖြတ် နေချိန်မှာ ဒီဇာတ်ကားကြီးနဲ့ပတ်သက် ပြီး မေးမြန်းဖြစ်ခဲ့ပါတယ်။

''ဒီကားကြီးကို ဟိုးအရင်'နင်စေရင်'သီ ချင်းဗီစီဒီရိုက်ကတည်းက ရုပ်ရှင်ကားကြီး အဖြစ် ဖန်တီးမယ်ဆိုပြီး 'နှလုံးသားစီရင်ခန်း' လိုပဲရင်ထဲမှာ စိတ်ကူးထားတဲ့ဇာတ်လမ်းပေါ့' 'နှလုံးသားစီရင်ခန်း'ကိုရုပ်ရှင်ပြန်ရိုက်ဦးမယ်။ ဒီဇာတ်ကားကြီးကိုလည်း ရင်ထဲမှာရှိနေတာ ကြာပြီ။ ကောင်းအောင်လုပ်ရင်းနဲ့ ၇နှစ် လောက်ပျိုးပျိုးပြီး ရင်ထဲမှာခံစားထားတာ။ ရင်ဘတ်ထဲကလုပ်ထားတဲ့ ဇာတ်လမ်းလေးလို့ လည်း ပြောလို့ရတယ်''လို့ ဝိုင်းက ပြော ပါတယ်။
''နင်စေရင်'ဇာတ်ကားကြီးရိုက်ကူးပြီး ချိန်မှာ ဒီဇာတ်ကားကြီးနဲ့ဝတ်မှုံရွှေရည် အတွက် ဘယ်လောက်မျှော်လင့်ထားတယ် ဆိုတာကိုလည်း ဒါရိုက်တာဝိုင်းက...'' 'နင်စေရင်' ဇာတ်ကားနဲ့ ဝတ်မှုံရွှေရည် ဟာ လူတွေအမြင်မှာ လုံးဝပြောင်းသွားတဲ့ မင်းသမီး တစ်လက်ဖြစ်နိုင်တယ်။ ဘာဖြစ်လို့ လဲဆိုတော့ သူကစရိုက်သုံးမျိုးလုံးကို အကောင်း ဆုံးဖြစ်အောင် သရုပ်ဆောင်သွား နိုင်တယ်။ နာယူလိုစိတ်ရှိတယ်။ ပြီးတော့ အလုပ်အပေါ်မှာ ထားတဲ့စိတ်ဓာတ်ပေါ့။ ဒီကားရိုက်နေတဲ့အချိန်တခြားကြော်ငြာတွေ၊ တခြားဇာတ်ကားတွေ ဘာတစ်ခုမှမရိုက်ဘူး။ အဲဒီလိုဆိုတော့ ဒီဇာတ်ကောင်က သူ့ရင်ထဲ မှာရှိနေတယ်။ ရှုတင်ပေါ်တက်လာကတည်း က ဂါဂါဆိုတဲ့ဇာတ်ကောင်ရင်ထဲမှာပါလာ ပြီးသားဆိုတော့ အစ်ကိုသင်ပေးရတာ တအားကောင်းတယ်။ ရင်ထဲဗလာနဲ့ရှုတင် ပေါ်လာတဲ့ လူတွေနဲ့ အလုပ်မလုပ်ချင်ဘူး။ အချုပ်ဆိုရရင် ဝတ်မှုံရွှေရည်က ဒီကားနဲ့ ဖွေးဖွေးကိုဟောခဲ့ သလိုပေါ့။ ဖွေးဖွေး'လက်ပံ'နဲ့ အောင်မြင်သလို'နင်စေရင်'မှာ ဝတ်မှုံရွှေရည် က ပရိသတ်ရဲ့ မေတ္တာကိုအပြည့်အဝရမယ် လို့ အစ်ကိုကြိုပြောရဲတယ်။ ဝတ်မှုံရွှေရည်က သူ့ရဲ့ကြိုးစားတဲ့ ရလဒ်ကို သူပြန်ခံစားရမှာပဲ'' လို့ပြောပါတယ်။

နုရင်ဘတ်သို့ သွားရောက် အစမ်းသပ်ခံရန် အသင့် ရှိနေကြောင်း ကျော်ကိုကို ဖွင့်ဟလာ

ဇေယျာရွှေမြေနှင့် မြန်မာ့ လက်ရွေးစင် တိုက်စစ်မှူး ကျော်ကိုကိုက ၎င်းအနေဖြင့် ဂျာမန်ကလပ် အသင်း နုရင်ဘတ်၏ စိတ်ဝင်စားခြင်း ခံရသဖြင့် ၀မ်းမြောက် ဂုဏ်ယူကြောင်းနှင့် နုရင်ဘတ်သို့ သွားရောက် အစမ်းသပ်ခံရန် အသင့် ရှိကြောင်း ဖွင့်ဟ လာခဲ့သည်။
 

"အခုလို စိတ်ဝင်စား ခံရတဲ့အတွက် ၀မ်းသာမိသလို၊ ဂုဏ်လည်း ယူမိပါတယ်။ သူတို့က ကျွန်တော့်ကို စမ်းသပ်ပြီး ကြိုက်မှ ခေါ်ယူမှာပါ။ ဒါပေမဲ့ သူတို့ဆီမှာ ကစားရမည် ဖြစ်စေ၊ မကစားရသည် ဖြစ်စေ သွားပြီး အစမ်းသပ် ခံရပြီး ဆိုကတည်းက ကျွန်တော့် အတွက်တော့ အကောင်းတွေချည်း ပါပဲ။ သူတို့ရဲ့ လေ့ကျင့်ပုံတွေ၊ တိုးတက်မှုတွေကို သိနိုင်သလို သူတို့နဲ့ ကိုယ်နဲ့ ဘာကွာသလဲ၊ ကိုယ်က ဘယ်လောက်အထိ လိုနေသေးလဲ ဆိုတာတွေ သိလာမယ်လို့ ထင်ပါတယ်" ဟု ကျော်ကိုကိုက Soccer Myanmar သို့ ပြောကြားခဲ့သည်။

"အခုလို စိတ်ဝင်စား ခံရတဲ့အတွက် ၀မ်းသာမိသလို၊ ဂုဏ်လည်း ယူမိပါတယ်။ သူတို့က ကျွန်တော့်ကို စမ်းသပ်ပြီး ကြိုက်မှ ခေါ်ယူမှာပါ။ ဒါပေမဲ့ သူတို့ဆီမှာ ကစားရမည် ဖြစ်စေ၊ မကစားရသည် ဖြစ်စေ သွားပြီး အစမ်းသပ် ခံရပြီး ဆိုကတည်းက ကျွန်တော့် အတွက်တော့ အကောင်းတွေချည်း ပါပဲ။ သူတို့ရဲ့ လေ့ကျင့်ပုံတွေ၊ တိုးတက်မှုတွေကို သိနိုင်သလို သူတို့နဲ့ ကိုယ်နဲ့ ဘာကွာသလဲ၊ ကိုယ်က ဘယ်လောက်အထိ လိုနေသေးလဲ ဆိုတာတွေ သိလာမယ်လို့ ထင်ပါတယ်..."ထို့အတူ ကျော်ကိုကိုက ၎င်းနှင့် ပတ်သက်၍ အပြောင်းအရွှေ့ သတင်းများ မကြာခဏ ထွက်ပေါ် ခဲ့ဖူးသော်လည်း မည်သည့် ကလပ်သို့မှ ပြောင်းရွှေ့ ခဲ့ဖူးခြင်း မရှိ၍ ယခုတစ်ကြိမ်တွင် အမှန်တကယ် သွားရောက် ကစားခွင့် ရရန် လိုလားကြောင်း ဖွင့်ဟခဲ့သည်။  

လာမည့် ဖေဖော်ဝါရီ (၂)ရက်နေ့တွင် ဂျာမန် ဘွန်ဒက်လီဂါလိဂ် ဥက္ကဋ္ဌ ဖြစ်သူ မြန်မာနိုင်ငံသို့ လာရောက်မည် ဖြစ်ရာ ရည်မှန်းချက်မှာ ဘွန်ဒက်လီဂါ ပြိုင်ပွဲအား Sky Net ရုပ်သံလိုင်းတွင် ထုတ်လွှင့် ပြသရေးနှင့် ဈေးကွက် ချဲ့ထွင်နိုင်ရန် ဖြစ်ကြောင်း သိရသည်။ ထို့ကြောင့် ယခု ကျော်ကိုကိုအား ခေါ်ယူမှုမှာလည်း ၎င်းတို့၏ လိဂ်ပြိုင်ပွဲအား မြန်မာ ပရိသတ်များ စိတ်ဝင်စားမှု မြင့်တက်လာစေရန် တစ်ဖက်တစ်လမ်းမှ ကြိုးပမ်း ဆောင်ရွက်ခြင်း ဖြစ်နိုင်ကြောင်းလည်း သုံးသပ်မှုများ ထွက်ပေါ်လျှက် ရှိနေသည်။

“After you”

ရန်ကုန်လေဆိပ်

ရှက်ရှက်နဲ့ ၀န်ခံပါရစေ။
ရန်ကုန်နိုင်ငံတကာလေဆိပ်မှာ တွေ့ကြုံခဲ့တဲ့ အဖြစ်အပျက်လေးပါ။ လေဆိပ်ရဲ့ ဧည့်ခန်းမထဲမှာ မန္တလေးကိုသွားမယ့် လေယာဉ်ကို ကျွန်တော် စောင့်နေ ခဲ့တယ်။ ဧည့်ခန်းထဲမှာ နိုင်ငံပေါင်းစုံက နိုင်ငံခြားသားတွေ အများကြီးပဲ။ ဧည့်ခန်းထဲမှာ ရန်ကုန်မြို့တွင်းကို ဆက်တဲ့ အများသုံးတယ်လီဖုန်း တစ်ခု ရှိတယ်။ အဲဒီ့တယ်လီဖုန်းက တယ်လီဖုန်းဆက်ခ မပေးရပါဘူး။ အဲ့ဒီ တယ်လီဖုန်းကို ကောင်မလေးတစ်ယောက် ဆက်နေတယ်။ သူ့နောက်မှာလည်း တယ်လီဖုန်း ဆက်ဖို့ စောင့်နေတဲ့သူ လေး ငါးယောက်လောက်ရှိတယ်။ ကောင်မလေးကလည်း တယ်လီဖုန်းဆက်နေတာ ပြီးကိုမပြီးနိုင်ဘူး။ မိနစ် ၂၀လောက်ကြာမှ နောက်တစ်ယောက်အလှည့် ရောက်တော့တယ်။ အဲ့ဒီ တစ်ယောက်ကလည်း ဖုန်းပြောလိုက်တာအကြာကြီးပဲ။

ကျွန်တော့်ဘေးနားမှာ ထိုင်နေတဲ့ နိုင်ငံခြားသားတစ်ယောက်က အဲ့ဒီအဖြစ်အပျက်ကို နားမလည်နိုင်အောင် ဖြစ်နေပုံရတယ်။ ကျွန်တော့်စိတ်ထဲမှာ ဖုန်းပြော နေတဲ့လူတွေကိုကြည့်ပြီး
“အားနာမှုမရှိလိုက်ကြတာ”လို့ ခံစားရတယ်။

ဒီလိုနဲ့ မန္တလေးကိုသွားမယ့်လေယာဉ် ရောက်လာပါတယ်။ လေယာဉ်ပေါ်ကိုတက်ဖို့ “စပီကာ”က  ကြေညာပါတယ်။ မန္တလေးကို သွားမယ့်ခရီးသည်တွေ အားလုံး လှုပ်လှုပ်ရွရွဖြစ်သွားကြတယ်။ လေယာဉ်ပေါ်ကို သွားဖို့ ဘတ်(စ်)ကားတစ်စီး ထိုးဆိုက်လာတယ်။ အဲ့ဒီကားနဲ့ လေယာဉ်ဆီကို လေယာဉ်စီး ခရီးသည် တွေသယ်ဆောင်မှာဖြစ်တယ်။ လူတွေဟာ ဘတ်(စ်)ကားပေါ်ကို အလုအယက်ပဲ တိုးဝှေ့တက်ကြတယ်။ နိုင်ငံခြားသားတွေက အေးအေးဆေးဆေးပါပဲ။ တိုးဝှေ့တက်တဲ့အထဲမှာ ကျွန်တော်လည်းပါတယ်။ ဒီလိုနဲ့လေယာဉ်ဆီကို ကျွန်တော် ရောက်သွားတယ်။ လေယာဉ်ပျံရဲ့ နောက်အနားအပေါက်က ကျွန်တော် တို့တက်ရတယ်။ ဒီလိုပါပဲ... လေယာဉ်ပေါ်ကို တိုးဝှေ့ပြီးတက်လိုက်တယ်။ ကိုယ့်ထိုင်ခုံနဲ့ ကိုယ်ဆိုပေမယ့် ဘာကြောင့်များ တိုးဝှေ့တက်ခဲ့မှန်း ကိုယ့်ကိုယ် ကိုယ် မစဉ်းစားမိဘူး။ တိုးတာ၊ ဝှေ့တာ၊ တွန်းတာ၊ တိုက်တာ အကျင့်ပါနေလို့ပဲဖြစ်မယ်။

ဖြစ်ချင်တော့ ကျွန်တော့်ဘေးကထိုင်ခုံမှာ နိုင်ငံခြားသားတစ်ယောက် လာထိုင်တယ်။ ဧည့်ခန်းထဲမှာ တွေ့ခဲ့တဲ့သူပါ။ သူဟာ အေးဆေးတည်ငြိမ်စွာပဲ စာအုပ်တစ်အုပ်ကိုဖတ်နေတယ်။ လေယာဉ်တက်ပြီးလို့ (၁၀)မိနစ်လောက်အကြာမှာ လေယာဉ်မယ်လေးတွေက လက်တွန်းလှည်းလေးတွေကိုတွန်းပြီး အစား အသောက်လာကျွေးပါတယ်။ အပူလား။ အအေးလား။ ကြိုက်ရာသုံးဆောင်လို့ရတယ်။ဖော့ဘူးလေးနဲ့ အသားညှပ် ပေါင်မုန့်တစ်လုံးစီ လိုက်ပြီးဝေတယ်။
ကျွန်တော့်ရဲ့ထိုင်ခုံက အတွင်းဘက်မှာပါ။ အစားအသောက်လာပြီးပေးတဲ့ လေယာဉ်မယ်လေးတွေက တစ်တန်းပြီးတစ်တန်း၊ တစ်ခုံပြီးတစ်ခုံ စနစ်တကျ ပေးဝေပါတယ်။ ကျွန်တော့်ရဲ့ ခုံအနားလည်းရောက်ရော ကျွန်တော်က ကော်ဖီတစ်ခွက်ကို လှမ်းယူလိုက်တယ်။ အသားညှပ်ဖော့ဘူးတစ်ဘူးကို လှမ်းယူလိုက် တယ်။ တကယ်တော့ အဲ့ဒီနိုင်ငံခြားသားက လူသွားလမ်းရဲ့ဘေးမှာ နေရာယူထားသူ။ သူက အရင်ယူရမှာ။ ကျွန်တော်က အတွင်းဖက်ကခုံမှာ ထိုင်တဲ့သူ။ ကျွန်တော်က နောက်မှယူရမှာ။ ဒါပေမယ် ကျွန်တော်က အရင် လက်ကိုလှမ်းလိုက်တယ်။ အဲ့ဒီအချိန်မှာ နိုင်ငံခြားသားက စကားတစ်ခွန်းပြောတယ်။

@ THITHOOLWIN

တိုးတက်ပြောင်းလဲမှုနှင့် နိုင်ငံတော်သမ္မတ၏ ဆောင်ရွက်ချက်များကို ဆက်လက်စောင့်ကြည့် သွားမည် ဟု ဂျွန်မက်ကိန်းပြောဆို

 

နိုင်ငံတော်သမ္မတ၏ စောင့်ကြည့်သွားမည်ဖြစ်ကြောင်း “တစ်ဆင့်ပြီးတစ်ဆင့် တိုးတက်ပြောင်းလဲမှုတွေပေါ် စစ်ဆေးမှုတွေ ပြုလုပ်ပါမယ် လွတ်လပ်ပြီးတရားမျှတတဲ့ ကြားဖြတ်ရွေးကောက်ပွဲဖြစ်ဖို့ကလဲ အရေးကြီးပါတယ် အမေရိကန်ကနေပြီးတော့ စီးပွားရေးပိတ်ဆို့မှုတွေကို ဖယ်ရှားဖို့က တိုးတက်ပြောင်းလဲမှုတွေ သမ္မတရဲ့ လုပ်ဆောင်ချက်တွေ ကြည့်မှာပါ အဓိက အကြောင်းအရင်းကတော့ ရွေးကောက်ပွဲပေါ့ “ ဟု အမေရိကန် အထက်လွှတ်တော်အမတ် ဂျွန်မတ်ကိန်းက ပြောသည်။

အမေရိကန်ပြည်ထောင်စု အမေရိကန် အထက်လွှတ်တော်အမတ် ဂျွန်မတ်ကိန်းနှင့်အခြားသောအမတ်များသည်၂၀၁၂ခုနှစ်ဇန်န၀ါရီလ၂၂ရက်နေ့ နံနက်ပိုင်းတွင်ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခဲ့ခြင်းဖြစ်သည်။

၂၀၁၂ခုနှစ် ဇန်န၀ါရီ ၂၃ရက်နေ့တွင် အမေရိကန် အထက်လွှတ်တော်အမတ်ဂျွန်မတ်ကိန်းသည် နေပြည်တော်ရှိ နိုင်ငံတော်သမ္မတနှင့် တွေ့ဆုံရန် အစီအစဉ်ရှိကြောင်း သိရှိရသည်။

ဝင့်သင်ဇာကျော်(ရွှေမြစ်မခ)

AGD ဘဏ်က မော်တော်ကားနဲ့ တိုက်ခန်းတွေကို အရစ်ကျစနစ်နဲ့ ရောင်းချပေး မယ်လို့ ကြေညာလိုက်ပါတယ်

၁။ အငှားဝယ်ယူ စနစ်ဖြင့် ရောင်းချမည့်ပစ္စည်းများ။

      ၁။ လျှပ်စစ်နှင့် အီလက်ထရောနစ်ပစ္စည်းများ၊
      ၂။ Computer နှင့် ဆက်စပ်ပစ္စည်းများ။
      ၃။ တယ်လီဖုန်းကဒ်နှင့် ဆက်စပ်ပစ္စည်းများ။
      ၄။ ဆေးရုံနှင့် ဆေးခန်းသုံးပစ္စည်းများ။
      ၅။ စိုက်ပျိုးရေးလုပ်ငန်းသုံးစက်ကရိယာများ။
      ၆။ စက်ဘီး၊ ဆိုင်ကယ်များ။
      ၇။ မော်တော်ယာဉ်နှင့် ယန္တယားများ။
      ၈။ လုပ်ငန်းသုံး စက်ပစ္စည်းနှင့် Generator များ။
      ၉။ တိုက်ခန်းနှင့် လုံးချင်းအိမ်ယာများ။

၂။ ကုန်စည် / ပစ္စည်းတန်ဘိုးအလိုက် ခွင့်ပြုသက်တမ်းနှင့် နှုန်းထား။
    (၁) ကျပ် ၅၀သန်းအထိ။
        - သက်တမ်း                     ၁နှစ်သက်တမ်း။
        - လက်ငင်းပေးချေရန်         တန်ဘိုး၏   ၂၀%။
        - ငှားရမ်းခနှုန်း                  တန်ဘိုး၏    ၇%။
        - ၀န်ဆောင်ခ                   တန်ဘိုး၏    ၁%။
        -အရစ်ကျ ပေးသွင်းရန်ငွေ    တန်ဘိုး၏ ၈၀%ကို (၁၂)ရစ် အညီအမျှခွဲ၍ (၁၂)လ လစဉ်ပေးသွင်းရန်။

    (၂) ကျပ်၅၀သန်းအထက်မှ ကျပ်၁၅၀သန်းအထိ။
        - သက်တမ်း                     ၂နှစ်သက်တမ်း။
        - လက်ငင်းပေးချေရန်         တန်ဘိုး၏၂၀%။
        - ငှားရမ်းခနှုန်း                  တန်ဘိုး၏ ၁၄%။
        - ၀န်ဆောင်ခ                   တန်ဘိုး၏ ၁%။
        - အရစ်ကျ ပေးသွင်းရန်ငွေ   တန်ဘိုး၏ ၈၀%ကို (၂၄)ရစ် အညီအမျှခွဲ၍ (၂၄)လ လစဉ် ပေးသွင်းရန်။

    (၃) ကျပ် ၁၅၀ သန်းအထက်မှ ကျပ်၃၀၀သန်းအထိ။
        - သက်တမ်း                     ၃နှစ်သက်တမ်း။
        - လက်ငင်းပေးချေရန်         တန်ဘိုး၏၂၀%။
        - ငှားရမ်းခနှုန်း                  တန်ဘိုး၏ ၂၁%။
        - ၀န်ဆောင်ခ                   တန်ဘိုး၏ ၁%။
        - အရစ်ကျ ပေးသွင်းရန်ငွေ   တန်ဘိုး၏ ၈၀%ကို (၁၂)ရစ် အညီအမျှခွဲ၍ (၃)လ တစ်ကြိမ် ပေးသွင်းရန်။

၃။ သတ်မှတ်သက်တမ်း မစေ့ရောက်မီ အပြေအကြေပေးသွင်းပါက မူလက ပေးသွင်းခဲ့သည့် ငှားရမ်းခငွေမှ အောက်ပါအတိုင်း ပြန်လည်ထုတ်ပေးပါမည်။
     (၁) ၁နှစ်ချေးငွေကို (၆)လတွင်းပေးသွင်းလျှင် မူလပေးသွင်းထားသည့် ငှားရမ်းခငွေ၏ ၂၅%။
     (၂) ၂နှစ်ချေးငွေကို (၆)လတွင်းပေးသွင်းလျှင် မူလပေးသွင်းထားသည့် ငှားရမ်းခငွေ၏ ၅၀%။
     (၃) ၂နှစ်ချေးငွေကို (၁၂)လတွင်းပေးသွင်းလျှင် မူလပေးသွင်းထားသည့် ငှားရမ်းခငွေ၏ ၂၅%။
     (၄) ၃နှစ်ချေးငွေကို (၁၂)လတွင်းပေးသွင်းလျှင် မူလပေးသွင်းထားသည့် ငှားရမ်းခငွေ၏ ၄၀%။
     (၅) ၃နှစ်ချေးငွေကို (၂၄)လတွင်းပေးသွင်းလျှင် မူလပေးသွင်းထားသည့် ငှားရမ်းခငွေ၏ ၂၀%။

၎။ အရစ်ကျငွေ ပေးသွင်းရန် သတ်မှတ်ရက်။
     စတင်ခွင့်ပြုသည့်နေ့သည် (၂၂)ရက်နေ့အတွင်းဖြစ်ပါက ကပ်လျှက်လ၏ လဆန်း(၅)ရက်အတွင်း။
     စတင်ခွင့်ပြုသည့်နေ့သည် (၂၃)ရက်နေ့မှ နောက်ပိုင်းဖြစ်ပါက နောက်တစ်လ၏ လဆန်း(၅)ရက်အတွင်း။

၅။ ပျက်ကွက်ကြေး။
     လစဉ်   လဆန်း(၅)ရက်အတွင်း ပေးသွင်းရန် ပျက်ကွက်ပါက ပျက်ကွက်သည့်ရက်များအတွက်   အရစ်ကျပေးသွင်းရမည့် ငွေပမာဏပေါ်တွင် ကျပ်၁၀၀လျှင် တစ်ရက် (၄)ပြားနှုန်းဖြင့်   ပျက်ကွက်ကြေးပေးဆောင်ရပါမည်။

၆။ ကုန်စည်/ ပစ္စည်းပြန်လည်သိမ်းဆည်းခြင်း။
     လစဉ်   အရစ်ကျ ပေးသွင်းရမည့်ငွေကို (၃)ကြိမ် ဆက်တိုက်ပျက်ကွက်ပါက   အငှားဝယ်ထားသူသည် အငှားဝယ်ယူထားသည့်ပစ္စည်းကို ပြန်လည်သိမ်းဆည်းခံရမည်   ဖြစ်ပြီး၊ ပေးသွင်းထားသည့် ငွေများအားလုံးကို အဆုံးရှုံးခံရမည် ဖြစ်သည်။

၇။ အငှားရောင်းချသူ (Authorized Dealer) ၏ အရောင်းကော်မရှင်မှာ ပစ္စည်းတန်ဘိုး၏ ၁% ဖြစ်ပါသည်။


ချေးငွေဌာန
အေဂျီဒီဘဏ်။

မြန်မာတိုက်စစ်မှူးကို ဂျာမန်ကလပ် ကမ်းလှမ်း

ဆီးဂိမ်းစ် ပြိုင်ပွဲဝင် ကျော်ကိုကို

ဂျာမန် ဘွန်ဒက်လီဂါ ကလပ်အသင်း နုရင်ဘတ်သည် မြန်မာ့ လက်ရွေးစင် တိုက်စစ်မှူး ကျော်ကိုကိုအား ပြောင်းရွှေ့ကြေး ဒေါ်လာ ၅သိန်း ၀န်းကျင်ဖြင့် ကမ်းလှမ်းမှု တစ်ရပ် ပြုလုပ်ခဲ့ကြောင်း သိရသည်။

ဇေယျာရွှေမြေ အသင်း တာဝန်ရှိသူ တစ်ဦး၏ အဆိုအရ ဂျာမန် ကလပ် အသင်းသည် မြန်မာ နေရှင်နယ်လိဂ် ကလပ်များ အတွက် ကစားသမားများ ခေါ်ယူ ပေးခဲ့ဖူးသူ အေးဂျင့် ဒရာဂန်မှ တစ်ဆင့် ဆက်သွယ် ကမ်းလှမ်း လာခဲ့ခြင်း ဖြစ်ပြီး ကျော်ကိုကို၏ ခြေစွမ်းအား စမ်းသပ်လို နေကြောင်း သိရသည်။ ခြေစွမ်း အစမ်းသပ်ခံစဉ် ကာလအတွင်း လေယာဉ်ခ၊ နေထိုင် စားသောက်စရိတ် အစရှိသည် တို့အား ၎င်းတို့ အသင်းဘက်မှ ကျခံပေးမည် ဖြစ်ပြီး အကယ်၍သာ ခေါ်ယူဖြစ်ခဲ့မည် ဆိုပါက လစာ အနေဖြင့် ဒေါ်လာ ၄၀၀၀မှ ၅၀၀၀ကြား ရရှိနိုင်မည် ဖြစ်သည်။ ထို့အတူ ဇေယျာရွှေမြေ အသင်းကိုလည်း ဒေါ်လာ ၄သိန်းမှ ၅သိန်းအထိ ပြောင်းရွှေ့ကြေး အဖြစ် ပေးချေမည် ဖြစ်ကြောင်း သိရသည်။ ထိုပမာဏသည် မြန်မာ့ ဘောလုံး သမိုင်းတွင် မြန်မာ ကစားသမား တစ်ဦးအတွက် အမြင့်မားဆုံး ပြောင်းရွှေ့ကြေး တစ်ရပ်လည်း ဖြစ်လာဖွယ် ရှိနေကာ ကျော်ကိုကို အနေဖြင့် အာရှတိုက် ပြင်ပသို့ သွားရောက် ကစားသည့် ပထမဆုံး လက်ရွေးစင် ကစားသမားလည်း ဖြစ်လာမည် ဖြစ်သည်။

၂၀၁၁ တစ်နှစ်တာ အကောင်းဆုံး ကစားသမား ဆုအား လက်ခံ ရယူစဉ်က ကျော်ကိုကို (ဗဟို)

ထိုပမာဏသည် မြန်မာ့ ဘောလုံး သမိုင်းတွင် မြန်မာ ကစားသမား တစ်ဦးအတွက် အမြင့်မားဆုံး ပြောင်းရွှေ့ကြေး တစ်ရပ်လည်း ဖြစ်လာဖွယ် ရှိနေကာ ကျော်ကိုကို အနေဖြင့် အာရှတိုက် ပြင်ပသို့ သွားရောက် ကစားခဲ့သည့် ပထမဆုံး မြန်မာ့ လက်ရွေးစင် ကစားသမားလည်း ဖြစ်လာမည် ဖြစ်ထိုကိစ္စနှင့် ပတ်သက်၍ ဇေယျာရွှေမြေ အသင်းက ကျော်ကိုကိုအား ဂျာမနီသို့ စေလွှတ်နိုင်ရန် အတွက် မြန်မာနိုင်ငံ ဘောလုံး အဖွဲ့ချုပ်သို့ တရားဝင် စာတင်ထားကြောင်း သိရသည်။ ဇေယျာရွှေမြေ အသင်းသည် ဂျာမန် ကလပ်အသင်း ထံသို့ ဇန်န၀ါရီ ၃၁ရက် မတိုင်မီ စေလွှတ်နိုင်မည် မစေလွှတ် နိုင်မည် ဆိုသည်အား အကြောင်း ပြန်ရမည် ဖြစ်သည်။

ကျော်ကိုကိုသည် ပြီးခဲ့သည့် ဆီးဂိမ်းစ် ပြိုင်ပွဲတွင် ခြေစွမ်း ထင်ပေါ်ခဲ့သည့် ကစားသမား တစ်ဦးဖြစ်ကာ Goal.com ၏ အရှေ့တောင် အာရှ၏ အကောင်းဆုံး ကစားသမား ၅ဦး စာရင်းတွင် ရွေးချယ်ခြင်း ခံခဲ့ရသည်။ ၎င်းအား အရှေ့ အလယ်ပိုင်းမှ ကလပ်အသင်း များကလည်း စိတ်ဝင်စား ခဲ့ဖူးပြီး မြန်မာနိုင်ငံ၏ ၂၀၁၁ ခုနှစ် အတွက် တစ်နှစ်တာ အကောင်းဆုံး ကစားသမား ဆုအားလည်း ရရှိထားသူ ဖြစ်သည်။